伲外生是小小推普員騰飛拉外公\文(江南)騰飛養拉北方 ， 不過自從渠會得講閑話 ， 渠拉爺娘就用上海閑話搭渠交流 ， 個咾至今渠只習慣一種語言——吳語（之太湖方言上海閑話） 。伲家主婆是北方人 ， 吳語聽大弗懂 。囡兒受渠影響 ， 解山河一般儕用普通話個 。騰飛有常時看見仔就打棚：“姆媽跟牢外婆做‘普通人’ ， 我覅做普通人 ， 我要跟牢外公做堂堂正正有文化個江南人 。”每年子 ，  渠拉一家三口儕要回到上海爹爹搭過春節 。騰飛搭上海淘伴孛相 ， 總歸講一口流利個吳語 ， 渠拉卻一直講眼安徽味道重來些個普通話 。淘伴老奇怪個 ， 為啥騰飛吳語講了介標準 。騰飛講渠也老奇怪個 ， 為啥娜吳語講弗連牽 ， 普通話也弗靈光 ， 賽過豬八戒照鏡子嘛 。渠拉聽仔又是羞愧又是眼癢 ， “文化人”前“文化人”后叫渠 。騰飛又是自豪又是開心 ， 渠個個“文化人”真是沾仔吳語個光呀！淘伴常莊繞牢渠教渠拉講吳語……騰飛總歸對渠拉講：“生是吳越人 ， 頂愛江南話 。死脫一家門 ， 弗講破捅蛙 。”家主婆老底子之所以看中我 ， 就是歡喜我一口標準個上海吳語 。為仔搭我有“共同語言” ， 渠勉為其難、投我所好 ， 進修吳語 。渠個“吳語”有辰光讓我捧腹大笑 。個種情景 ， 渠總歸要咕：“唉 ， 吳語哪能介難個啦 ， 我對音總歸尋弗著規律 。”我板起面孔搭渠講：“普通話四聲亂竄、清濁混同、尖團弗分 ， 個種金元虜語搭吳語哪能對得清爽呢 。”訓好 ， 我再耐心講解：“‘夾逼pih準則’弗是‘夾{尸穴}pi準則’ ， ‘受驚cin’弗是‘受精tsin’ 。”渠一本正經跟牢我逐字逐句讀 ， 認真個勁道弗比小學生推扳 。渠每發一個字音 ， 只要有錯 ， 我就及時搭渠糾正 。我千方百計為渠創設“講閑話”情境 ， 就是吃飯辰光也弗放過糾正個機會……通過“短期培訓” ， 家主婆學有所成 。從此以后 ， 我伲彼此交流頻繁了 ， 我伲感情也越來越深厚了——騰飛拉娘也就養出來了 。吳語帶畀伲屋里無限個樂趣 。大年夜 ， 渠拉一家門圍坐拉餐桌旁 ， 說說笑笑 ， 其樂融融 。此時此刻 ， 騰飛拉娘總歸笑微微個講：“騰飛弗忘祖 ， 變仔小小‘推普’員哉——thetau普通話 ！”注: 此文曾獲得老年組作文競賽"終身成就獎" 。
【有關推廣普通話的笑話或故事】

猜你喜歡

• 難得糊涂的的句子 有關難得糊涂的句子介紹
• 心若向陽最經典語句 有關心若向陽一切美好句子
• 葒怎么讀音 有關葒的音節
• 蘋果營養價值和功效 有關蘋果的營養介紹
• 賽龍舟的由來和風俗 有關賽龍舟的起源和風俗
• 淘寶怎么推廣 淘寶推廣方法
• 有關雷達的資料
• 關羽的故事有哪些 與關羽有關的故事有哪些
• 快手粉條推廣怎么投效果最好？如何查看推廣效果？
• 親人歡聚一堂的短句 有關歡聚一堂的句子盤點